Beinvegni

Occurrenzas / Veranstaltungen

Nossa proxima sera culturala cun tscheina ha liug sonda, ils 20-02-2027 culs cantauturs Alexi e Marcus.

Unser nächster Kulturabend mit Nachtessen wird am Samstag, den 20.02.2027 durchgeführt. Unterhaltung: Die Liedermacher Alexi e Marcus.


Pro Cumbel

L'uniun Pro Cumbel ei vegnida fundada ils 17 d'uost 2012 ed ha las suandontas finamiras:


  • tgirar il patrimoni cultural e promover in svilup persistent
  • promover il sensori per cultura e cuntrada, natira ed ambient
  • promover la relaziun denter indigens, emigrai e hosps da vacanzas
  • promover la qualitad da viver ed il beinesser dalla cuminonza


El rom da sias pusseivladads finanzialas e persunalas s'engascha la Pro Cumbel


  • per realisar il Cudisch sur da Cumbel ed autras publicaziuns davart il vitg
  • per realisar ed actualisar ina pagina d'internet da Cumbel
  • per instradar ulteriurs projects en favur dil vischinadi
  • per sustener projects ed activitads specialas dallas uniuns


L'uniun Pro Cumbel sviluppescha ideas, dat impuls e s'exprima activamein tier fatgs e projects d'impurtonza per il svilup dil vischinadi.


Donaziuns / Zuwendungen (Steuerabzug als freiwillige Zuwendung möglich):
Pro Cumbel
7142 Cumbel

Banca Raiffeisen Surselva
7130 Ilanz

IBAN: CH77 8080 8007 0672 2888 9

Preavis

La proxima radunonza annuala ha liug sonda, ils 21-08-2027 allas 19.00

Die nächste Vereinsversammlung findet statt am Samstag, den 22.08.2027 um 19.00

Nos organs

Suprastonza:
Martin Cabalzar, president
Armin Caduff, actuar
Rudolf Caduff, cassier

Revisurat:
Haimo Heisch
Rita Marty-Cabalzar