Genealogias

Datas genealogicas dallas famiglias da Cumbel

En connex cun sia lavur sur dallas famiglias da Cumbel ha Claudio Casanova rimnau e digitalisau ina massa informaziuns genealogicas. Las genealogias rimnadas vegnan messas a disposiziun cheu en fuorma da datotecas GEDCOM.

Co anflel jeu informaziuns dad ina persuna en quellas genealogias?

1. In program da genealogias sto esser installaus sin vies PC.
2. El register da persunas san ins mirar sche la persuna sesanfla en ina dallas genealogias.
3. La(s) genealogia(s) che vus haveis anflau vegnan cargadas giu da cheu sin vies PC.
4. Vies program da genealogias sa arver u importar quellas genealogias.

Tge ei ina datoteca GEDCOM?

Il format per datas genealogicas GEDCOM ei in format derasau, che lubescha il transfer da datas denter differents programs da genealogias. Quasi tut ils programs da genealogias lubeschan l'import da genealogias cun agid dad ina datoteca GEDCOM.
Perquei havein nus mess las genealogias dallas famiglias da Cumbel en datotecas GEDCOM ch'ins sa cargar giu cheu.

Agid per utilisaders dil program My Heritage Family Tree Builder

In program da genealogias derasau ei il program My Heritage Family Tree Builder (tudestg ed engles). Il document d'agid (mirar giusut) mussa co ch'ins sa importar datas genealogicas da nossa pagina da genealogias en quel program.

Agid_FamilyTreeBuilder (PDF, romontsch, 500 kB)

Hilfe_FamilyTreeBuilder (PDF, tudestg, 500 kB)

Agid per utilisaders dil program RootsMagic

In auter program da genealogias derasau ei il program RootsMagic (engles). Il document d'agid (mirar giusut) mussa co ch'ins sa importar datas genealogicas da nossa pagina da genealogias en quel program.

Agid_RootsMagic (PDF, romontsch, 500 kB)

Hilfe_RootsMagic (PDF, tudestg, 500 kB)